സമയം | ശിവാനന്ദജി
സമയം ശരിയല്ലത്രെ !
കണിയാൻ കവടി നിരത്തി പറഞ്ഞുവത്രെ !
ഇന്നലെ ഏറെ വൈകിയും തോണ്ടിനോക്കിയിരുന്നതാ.....
നേരം വെളുക്കുവോളം തിന്നാൻ കുത്തിയിട്ടതാ...
എന്നിട്ടും ഇപ്പോ ചത്തിരിപ്പാണ് മൊബൈൽ !
ബ്രോയിലർ ചിക്കനും
മസാലകൂട്ടും പഞ്ചാബി അരിയും പള്ളയിൽ നിറച്ചു ഇന്നലെ ഉച്ചയ്ക്കു
കൂടി കൂകി വിളിച്ചതാ കുക്കർ
എന്നിട്ടും ഇപ്പോ ചത്തിരിപ്പാണ് !
ഇന്നലെ രാത്രി കൂടി എന്നെ വീട്ടിലെത്തിച്ചതാ നേരം വെളുത്തോന്നു നോക്കി ഗർഭം ഒഴിഞ്ഞ വയറുപോലെ കുഴഞ്ഞു കിടക്കുന്നു പിന്നിലെ
ചക്രം .........
അടുത്തടുത്ത് പ്രശ്നങ്ങൾ തിരമാല മാലപോലെ ഒന്നൊടുങ്ങും മുമ്പേ വരവായി വരിവരിയായി.......
കാണണംകണിയാരെ !
സമയം ശരിയല്ലത്രെ
ഞാനെൻ്റെ വാച്ചിലേക്ക് നോക്കി
ശരിയാ സമയം ശരിയല്ല......
സൂചിയും ഡയലും തമ്മിൽ 2 ഡ്രിഗ്രിയെങ്കിലും ചരിവുണ്ട്.
സമയം മൂന്നേ സഞ്ചരിച്ച ഡയലുമായി നക്ഷത്രം പിറക്കും മുമ്പേ ഭൂജാതാനനായത്രെ!
2 ഡിഗ്രി മുന്നേയായതിൻ്റെ ഗുണം
വയസ്സ് ഒന്ന് എഴുത്താശാൻ കുറച്ചു തന്നു.
